Garрarshуlmur - Um Garрarshуlm  

Garрarshуlmur

Garрarshуlmur

Um Garрarshуlm

Árið er 870
Í Norður-Atlantshafi er stór eyja sem er ónumin til þessa. Sænskur landkönnuður, Garðar Svavarsson og samferðamaður hans Náttfari, sigla skipi sínu umhverfis eyjuna. Þeir taka land við flóa á Norðausturlandi sem Garðar nefnir Skjálfanda og byggja hús á stað er hann kallar Húsavík. Garðar hefur vetursetu á Húsavik og þar með er landnám norræna manna hafið á Garðarshólmi, sem síðar hlaut nafnið Ísland.

Framtíðarsýn og markmið
Hvernig leit Garðarshólmur út árið 870? Löngu er tímabært að gera sögu þessarar landkönnuða og upphafsmanna byggðar á Íslandi hærra undir höfði. Sagan verður sögð með sérstakri áherslu á samspil vistfræði og menningar.

Spurningin er hvernig best megi nýta þekkingu á sögu þjóðarinnar hvað varðar notkun og hugsanlega misnotkun landsins, til að skilgreina áætlun til framtíðar um sjálfbæra þróun búsetu og atvinnulífs  í Norðurþingi og á Norðurlandi öllu? Þetta verður eitt af hlutverkum hins nýja fræðaseturs, Garðarshólms á Húsavík.

Í Garðarshólmi verður dregin upp aðgengileg, þverfagleg mynd af þekkingu fræðimanna á umfjöllunarefni setursins. Garðarshólmur verður umgjörð sýninga sem verður komið á framfæri á áhugaverðan og aðgengilegan hátt. Við gerð sýninganna verður notast við nýjustu tækni á sviði margmiðlunar og að auki verður byggt á efni frá meðal annarra Historiska Museet og Statens Maritima Museer og stofnun Riksutställningar í Svíþjóð.

Sýningin byggir á notkun nýjustu tækni á sviði rauntíma gagnvirkrar margmiðlunar og verður einstök á heimsvísu. Gestir verða leiddir í gegnum tíma og rúm í ævintýralegum sýndarveruleika. Meðal samstarfsaðila hafa verið fyrirtækið Parques Majeures, tölvulistamaðurinn Marc Joseph Sigaud í París og Eytor Interaktiv Media í Osló.

Fyrir utan upplifun og sýningu, á Garðarshólmi að mynda brú út í heim með alþjóðlegu framboði á menningu, ráðstefnum, listasmiðjum og tilfallandi sýningum. Einnig er gert ráð fyrir að rekin verði upplýsingamiðstöð fyrir ferðamenn. Stefnt er að geta boðið upp á tvær minni listamannaíbúðir „artists in residence”, ásamt vinnuaðstöðu fyrir fræðimenn.

Garðarshólmi sem verður til húsa í byggingu á miðsvæði hafnarinnar í nánum tengslum við miðbæ Húsavíkur, er ætlað að verða þekkt kennileiti sem setji svip á heildarmynd bæjarins. Til þess að ná því fram viljum við efna til hugmyndasamkeppni meðal arkitekta á Íslandi og í Svíþjóð. Mun það verða gert í tengslum við hugmyndasamkeppni um hið einstaka hafnarsvæði í hjarta Húsavíkur. Húsavíkurhöfn hefur einstaka möguleika til það þróast sem lifandi aðdráttarafl á heimsvísu.

Samstarfs- og stuðningsaðilar
Frumkvöðlar verkefnisins eru eigendur Norður-Siglingingar, stærsta hvalaskoðunarfyrirtækisins á Íslandi. Sveitarfélagið Norðurþing stendur einnig að baki verkefninu og er eigandi þess ásamt fyrirtækinu.  

Halldór Gíslason arkitekt hefur verið meðal ráðgjafa við verkefnið og unnið frumdrög að uppsetningu sýningar ásamt Sóleyju Stefánsdóttur grafískum hönnuði. Eyþór Sigurbergsson hjá Eytor Ineraktiv Media í Osló vinnur að gerð kynningarefnis og samið hefur verið við Ara Trausta Guðmundsson um handritsgerð. Leitast hefur verið við að fá færasta fagfólk að mótun og þróun hugmyndarinnar og hefur fjöldi stofnana, fyrirtækja og einstaklinga innan og utan héraðs veitt aðstoð sína.

Stjórnun og skipulag
Starfandi er sérstök verkefnisstjórn sem hefur það hlutverk að leiða faglega uppbygginu verkefnisins og koma á og viðhalda tengslum við fagfólk og styrktaraðila. Eftirtaldir skipa verkefnisstjórnina:

  • Árni Sigurbjarnarson – formaður, skólastjóri tónlistarskólans á Húsavík og hluthafi í Norðursiglingu hf.
  • Árni Sigurjónsson – skrifstofustjóri á skrifstofu Forseta Íslands
  • Bergur Elías Ágústsson -  sveitarstjóri Norðurþings
  • Madeleine Ströje Wilkens – sendiherra Svíþjóðar á Íslandi
  • Magnús Jóhannesson – ráðuneytisstjóri í Umhverfisráðuneytinu
  • Max Dager – forstöðumaður Norræna hússins í Reykjavík
  • Sveinn Runólfsson – landgræðslustjóri

Fjárhagsleg ábyrgð verkefnisins er á vegum Garðarsstofu ehf. sem er í eigu Norðursiglingar hf. og sveitarfélagsins Norðurþings.

Verkefnið hefur verið vel kynnt á Íslandi og í Svíþjóð sem hefur m.a. leitt til þess að forseta Íslands og hans hátignar Svíakonungs eru sérstakir verndarar þess.

 

 

 



 

 

 

 

Mynd augnabliksins

nytthus1.gif

Teljari

Н dag: 1
Samtals: 667

Framsetning efnis

moya - Útgáfa 1.12 2007 - Stefna ehf

Innskбning